Hökumət “Tolışon Sədo” qəzetinə 241 min manat pul ayırıb

Azərbaycan hökuməti “Azərbaycanda yaşayan xalqların mətbu orqanlarına dövlət dəstəyi” çərçivəsində “Tolışon Sədo” qəzetinə 241 min manat 38 qəpik pul ayırıb. JAMAZ.İNFO xəbər verir ki, bu barədə həmin qəzetin baş redaktoru Rrafiq Cəlilov məlumat yayıb.

O bildirib ki, ayrılmış vəsait vergidən azaddır. “Salam əziz dostlar, bu şad xəbəri sizinlə bölüşməyə bilməzdim. 22 iyul mətbuat günü münasibəti ilə “Azərbaycanda yaşayan xalqların mətbu orqanlarına dövlət dəstəyi” çərçivəsində multikultural hökumətimiz tərəfindən rəhbəri olduğum “Tolışon Sədo” qəzetinə 241 min manat 38 qəpik birdəfəlik yardım edilib. Məbləğ vergidən azaddır. Sevincimin həddi-hüdudu yoxdur”.