Kəlbəcərdə yaralanan erməni əsgərinin böyrəyi çıxarılıb

Xəbər verildiyi kimi, iki gün öncə Azərbaycan-Ermənistan sərhəddində silahlı toqquşma baş vermişdi. JAMAZ.İNFO xəbər verir ki, həmin silahlı insident zamanı Azərbaycan Ordusunun bir hərbçisi Şəhid olub, erməni tərəfi isə 3 əsgərinin yaralandığını bildirib.

Qeyd edək ki, Ermənistan Müdafiə Nazirliyi yaralanan əsgərlərdən biri Arman Atasyanın durumunun ağır olduğunu bəyan edib. Bu gün isə həmin nazirliyin hərbi-tibbi xidmət rəisi Saak Ohanyan deyib ki, Atasyanın durumu ağır olaraq qalır və gecə əməliyyat olunaraq, bir böyrəyi çıxarılıb.