Cəmiyyət
Bakıda söküntü ərəfəsində böyük qiymət artımı: hansı evlər bahalaşır?- VİDEO
Köhnə binalardan mənzil almağa maraq artıb. Əmlak məsələləri üzrə ekspert Nofəl Quliyev “Xəzər Xəbər”ə deyib ki, paytaxtın mərkəzi hissəsində istismar müddəti başa çatmış 2,3,5 və 9 mərtəbəli binaların mərhələli şəkildə sökülməsi məsələsi gündəmə gəldikdən sonra bu tip binalardan ev alanların sayı çoxalıb.
Ekspertlər bildirirlər ki, bazarda müşahidə edilən tendensiya səbəbindən köhnə binalarda mənzillər bahalaşır.
Mütəxəssislər bu qənaətdədirlər ki, köhnə binaların sökülməsi tikinti materialları bazarına da müsbət təsir göstərəcək. Çünki köhnə binaların yerində yeniləri inşa edilərkən tələb edilən materialların müəyyən hissəsi yerli bazardan alınır ki, bu da iqtisadi cəhətdən müsbət amildir.
