Milli Məclisdə yeni sektor yaradıldı – Müdir təyin edildi

Milli Məclis Aparatında yeni yaradılan Vətəndaşların qəbulu və müraciətləri ilə iş şöbəsində Vətəndaşların qəbulu sektoru yaradılıb.

Jamaz.info APA-ya istinadən xəbər verir ki, Anar Vəliyev yeni sektora müdir təyin edilib.

Qeyd edək ki, bundan əvvəl Vətəndaşların qəbulu və müraciətləri ilə iş şöbəsinin yaradılması ilə əlaqədar Milli Məclisin, komitələrin və komissiyaların işinin təşkili şöbəsinin Vətəndaşların qəbulu sektoru ləğv edilmiş, bu sektorun müdiri olmuş Rüfət Məmmədov Vətəndaşların qəbulu və müraciətləri ilə iş şöbəsinin müdir müavini təyin olunmuşdu.