Xəbər verildiyi kimi, yaxın günlərdə Rusiyanın prezidenti Vladimir Putin Ermənistana səfər edəcək. JAMAZ.İNFO xəbər verir ki, səfər çərçivəsində bir sıra sənədlərin imzalanmasıgözlənilir.
Qarabağda yaşayan ermənilər isə fürsəti əldən vermək istəmirlər. “İravunk” qəzeti yazır ki, Qarabağdakı bir qrup separatçı Rusiya prezidenti Vladimir Putinə məktub yazmaqla bağlı fəal müzakirələr aparır. Həmin xəbərə görə, noyabrın 23-də Rusiya prezidentinin səfəri ərəfəsində Qarabağda qanunsuz fəaliyyət göstərən bir sıra “QHT-lər”, “deputatlar” Rusiya səfirliyi vasitəsilə Putinə məktub göndərəcəklər. “Həmin məktubda Rusiyadan Qarabağdakı ermənilər üçün təhlüksəzilik təminatı istəyəcəkləri, əlavə sülhməramlı göndərmələri, habelə Qarabağın “müstəqilliyinin” tanınmasını xahiş edəcəklər”.
