Son günlər ermənilər isterik bir şəkildə Azərbaycanın Ermənistana hücum edəcəyini iddia edirlər. Hər gün yenilənən və müxtəlif səpkidə müzakirə olunan bu məsələnin əsası isə yoxdur. Çünki nə sərhəddə gərginlik var, nə də Azərbaycan belə bir nəyyətdədir. Amma isterioka davam edir.
Məsələn, erməni siyasətçi Qaregin Miskaryan “Haykakan Jamanak ”a müsahibəsində iddia edib ki, Azərbaycanın Ermənistana hücum edəcəyi xəbərləri yeni deyil. “Lemkin Soyqırımın Qarşısının Alınması İnstitutu”nun Azərbaycanın yaxın günlərdə və həftələrdə Ermənistana təcavüzü ehtimalının olması ilə bağlı narahatlığı hamının bildiyi reallıqdır”.
Onun sözlərinə görə, institutun verdiyi bəyanat da yeni deyil. “Ermənistan hakimiyyəti bu barədə dəfələrlə çıxış edib. Sual ondadır ki, bu bəyanatla onlar sadəcə olaraq belə bir riskin mövcudluğunu bir daha sənədləşdirirlər, xəbərdarlıq edirlər, yoxsa əhəmiyyətini vurğulayırlar? Bəlkə də Azərbaycanın geri çəkilmədiyini xatırladırlar”.
Miskaryan iddia edir ki, Azərbaycanın Zəngəzur dəhlizindən geri çəkildiyi real deyil. “Bütün hallarda Azərbaycan Ermənistan ərazisindən nəzarətli keçid istəyir və həmişə də istəyəcək. Və onların sevimli ifadəsi olan “cazibədarlığını itirdi” ifadəsini müxtəlif cür təhlil etmək olar. Ermənistan onların təklif və şərtlərinə yol vermir. Ermənistanın qanunlarına və yurisdiksiyasına, ərazi bütövlüyünə, ərazi bütövlüyünə əsaslanan ərazidən istifadə etmək və ya gələcəkdə Sünikə qarşı hücuma haqq qazandırmaq üçün bəhanə kimi istifadə etmək onların marağında deyil. Azərbaycanın bəyəndiyi və uyduracağı çoxlu bəhanələr var”.
