Ermənistan hökuməti Dövlət Təhlükəsizlik Xidmətinin (DTX) rəyinə əsasən İrəvanda fəaliyyət göstərən UNİCEF-in nümayəndəsi Marin Klark-Hattinqi persona non-qrata elan edib. Və ölkədən çıxmasını tələb edib. JAMAZ.İNFO xəbər verir ki, Ermənistan Xarici İşlər Nazirliyi bununla bağlı verdiyi açıqlamasında vurğulayıb ki, Klark-Hattinq öz işlərinə aid olmayan işlərlə məşğul olduğu üçün belə bir addım atılıb.
Erməni “Mediaport” teleqram-kanalı isə bu barədə məlumat yayaraq bildirib ki, UNİCEF-in Ermənistan nümayəndəsi Azərbaycan və Britaniya kəşfiyyatı ilə “əlbir” olub. Həmin kanalın “iddiası”na görə, Marin Klark-Hettinq barəsində araşdırma aparılıb və onun persona non-qrata elan edilməsi qərarlaşıdırılıb.
P.S. 44 günlük müharibə ermənilərin başını əməlli-başlı xarab edib. Hər yerdə “Azərbaycan agenti”, “Azərbaycan dronu”, “Azərbaycan əsgəri” axtarırılar. Daxildə “dişə dəyən” bir şey olmadığından, indi də xarici təşkilatların nümayəndələrindən “agent” düzəltməyə başlayıblar.