Dünya
Zaxarovadan Paşinyana cavab: “Siyasətçi və dövlət xadimi ilə yoldan keçənin fərqi var”
Rusiya Xarici İşlər Nazirliyinin sözçüsü Mariya Zaxarova Ermənistanın baş naziri Nikol Paşinyanın respublikanın təhlükəsizlik baxımından yalnız bir mərkəzdən asılı olmasının strateji səhv olduğunu bildirməsinə münasibət bildirib. JAMAZ.İNFO “Sputnik Ermənistan”a istinadla xəbər verir ki, brifinq zamanı Zaxarova bildirib ki, öz əməlinə görə məsuliyyət daşımağı bacarmalı və bunu durmadan və hər dəfə təkrar edərək günahkar axtarmamalıdır.
“Öz məsuliyyətinizi bilməli və günahı başqasının üzərinə atmamalısınız. Siyasətçi, dövlət xadimi ilə ölkənin mənafeyini düşünməyən yoldan keçən adamın fərqi budur. Əks halda, bu, bir az da pis rəqqasə haqqında hekayədəki kimi görünür”.
Diplomat Milli Assambleyanın spikeri Alen Simonyanın açıqlamalarına da toxunub. Sonuncu müsahibəsində bildirib ki, Azərbaycanın ərazi bütövlüyünü o ölkə tanıyıb ki, o, zamin olmalı idi, yəni Rusiya. Simonyan 9 noyabr 2020-ci il tarixli üçtərəfli bəyanata istinad edərək, Laçın dəhlizinin Rusiya sülhməramlılarının yurisdiksiyasında olan 5 km genişlikdə ərazi olduğunu qeyd edib. Və spikerin sözlərinə görə, sual yaranır ki, bu ərazi və Rusiya sülhməramlıları haradadır?
Bu baxımdan, Zaxarova hesab edir ki, ədəbsizliyə bənzər nəyinsə astanasında olan ictimai ritorika Ermənistan siyasətçilərinə başucalığı gətirmir. Əgər ekspertlər səviyyəsində, siyasi müstəvidə danışmaq istəyirlərsə, bunun üçün bütün imkanlar var, İrəvanla, bütün sahələrdə əla kommunikasiya kanalları var. Eyni zamanda, Zaxarova hesab edir ki, “orada rollar qeyd olunub ki, kim necə danışmalıdır”. Hər halda, bu, erməni cəmiyyətini təmsil edən insanlara başucalığı gətirmir.
