“Rusiyada bir çoxları hesab edir ki, rus sülhməramlılarının Qarabağa göndərilməsi Kremlin xarici siyasətinin ciddi məğlubiyyətidir. Bu da öz növbəsində Türkiyənin bölgədə yeni bir nüfuz və status əldə etməsinə, qətiyyətini, ehtiyac duyduğu yerdə güc tətbiq etməyə hazır olduğunu nümayiş etdirdi. Nəticədə, bu, Rusiyanın təsirini xeyli zəiflətdi, çünki müharibədə məğlub olan rus müttəfiqi idi”. JAMAZ.İNFO bildirir ki, bu sözləri Rusiyanın tanınmış politoloqlarından biri Nikolay Silayev deyib.
Onun sözlərinə görə, Kremldən xəbərsiz Qafqazda heç bir topun atəş etməməsi nəzəriyyəsi Qarabağ məsələsində uğursuzluğa düçar oldu. “Bunun sübutu, hərbi əməliyyatlar zamanı Moskvanın dəfələrlə Bakı və İrəvana hərbi əməliyyatların dayandırılması tələbi ilə müraciət etməsi, lakin onun bütün çağırışlarına əslində məhəl qoyulmamasıdır. Bu, Rusiyanın Cənubi Qafqaza hakim bir regional güc olaraq nüfuzuna ciddi təsir göstərdi. Rusiya hətta bu döyüşlərdə iştirak edənlərə ən ciddi siqnalları verməli idi. Suriyada Türkiyənin dəstəklədiyi terrorçulara hava zərbələri və Qara və Xəzər dənizlərində qanadlı raketlərin təlim buraxılışları ilə genişmiqyaslı hərbi təlimləri nəzərdə tuturam. Ancaq bütün bu siqnallara baxmayaraq, iş bitdiyi kimi sona çatdı”.
Silayev iddia edir ki, buna baxmayaraq, Azərbaycanı fəal şəkildə dəstəkləyən Türkiyə, heç bir ciddi uğur əldə etmədi. Çünki əsas məqsədlərinə nail ola bilməmişdir. “Məsələn, siyasi, həm də hərbi səviyyədə. Ankara sülhməramlılarını Azərbaycan ərazisinə gətirməyə ümid edirdi, amma bu baş vermədi. Türkiyə Rusiyaya bölgənin birgə idarə edilməsini təklif etdi. Yəni, yeni bir format yaratmaq fikrindəydi”.
