Moskva Bakı və İrəvanı tələsməməyə çağırır

Azərbaycan və Ermənistan arasında tələsik hazırlanmış sülh sazişi regiona davamlı sülh gətirməyəcək.

Jamaz.info xəbər verir ki, bunu Rusiya Xarici İşlər Nazirliyinin MDB ölkələri üzrə departamentinin direktoru Denis Qonçar TASS-a müsahibəsində deyib.

Onun sözlərinə görə, rəsmi Moskva hesab edir ki, Azərbaycan və Ermənistan sülh sazişinin imzalanmasında tələsməli deyil:”Bu, gələcəkdə yeni münaqişə və faciələrə zəmin yaradacaq. Prioritet sürət yox, keyfiyyət olmalıdır. Qarşılıqlı şəkildə məqbul həll yolları tapılmalıdır. Sülhün şərtlərini Bakı və İrəvan özü müəyyən etməlidir. Məsuliyyətli vasitəçilərin vəzifəsi danışıqlar prosesini sürətləndirmək deyil, uzunmüddətli razılaşmaların əldə olunmasına töhfə verməkdir”.