Erməni keşiş: “Sənin bayraq yandırmağın kimə lazımdır?”
“Əslində, deyə bilərik ki, erməni ordusu yoxdur. Yoxdur, ordumuz buraxılıb. Əks halda bu ontoloji problem bizim sərhədlərimizdə və Qarabağda yaranmazdı. Başa düşürsən ki, düşmən oradakı Qarabağ sərhəddini bağlayıb, soydaşlarımızı əsas müdafiə vasitələrindən məhrum edib, faktiki olaraq 120 min vətəndaşı girov götürüb?” JAMAZ.İNFO xəbər verir ki, bunu Şirak yeparxiyasının rəhbəri, arxiyepiskop Mikael Adjapahyan deyib.
O bildirib ki, Ermənistan Müdafiə Nazirliyi fəaliyyətsizdir. “Bu dövləti cinayətidir. Digər tərəfdən, camaata baxırsan, burada bayraq yandırmaqla kifayətlənirlər. Sonda o emosional sentimentalizm bizdən nə vaxt tamamilə silinəcək? Azərbaycan hərbi əməliyyat keçirdi, siz cavab olaraq bayraq yandırırsınız… Sizin bayraq yandırmağınız kimə lazımdır? Nə qədər ki, biz əsl mübarizəni bu cür sentimental cəfəngiyyatlarla əvəzləyəcəyik, vəziyyətimiz belə də qalacaq”.
