Media
Anasının qəbrini ziyarət etməyə gedən jurnalist qəbiristanlıqda öldü
Jurnalist Əli Fərəcov vəfat edib. Bu barədə sosial şəbəkələrdə məlumat yayılıb.
Report-un məlumatına görə, mərhumun cansız bədəni anasının Maştağa qəbiristanlığında yerləşən qəbrinin yanında tapılıb.
İlkin məlumata görə, noyabrın 4-ü mərhumun anasının vəfat ildönümü olub. Ə.Fərəcov da bu məqsədlə anasının qəbrini ziyarət etməyə gedib.
Onun hansı səbəbdən öldüyü bilinmir. Araşdırma aparılır.
Qeyd edək ki, mərhum jurnalist “Bakı Metropoliteni” QSC-nin mətbuat xidmətinin əməkdaşı olub. O, həmçinin uzun illər idman jurnalistikası sahəsində çalışıb.
