“Biz necə sakit dayana bilərik ki, hal hazırda Ermənistanın ətrafında dəhşətli və təhdid dolu vəziyyət yaşanır?” Bunu Ermənistanın sabiq müdafiə naziri, Xocalı soyqırımının əsas baiskarlarındab biri, “Haystan” blokunun parlamentdəki fraksiyasının rəhbəri Seyran Ohanyan deyib.
Onun sözlərinə görə, hal hazırda Azərbaycan Ordusu Ermənistanla sərhəddə olduqca əhəmiyyətli və strateji yüksəkliklərdə yerləşib. Ohanyan deyib ki, həmin mövqeləri geri qaytarmaq çox çətin olacaq. “Gələcəkdə, hətta, sərhədlər demarkasiya olunduqdan sonra biz Azərbaycan tərəfindən həmin mövqeləri geri ala bilməyəcəyik. Bizə onları əvvəlki mövqelərinə geri qaytarmağa inandıra bilmək çox çətin olacaq”.
