“Söhbət Ermənistan və Azərbaycana gələndə Rusiyadan danışmaq istəmirəm”. JAMAZ.İNFO xəbər verir ki, bunu ABŞ Dövlət Departamentinin sözçüsü Metyu Miller Rusiya Xarici İşlər Nazirliyinin sülh sazişinin tələsik imzalanmasının yeni münaqişə riski daşıması ilə bağlı şərhinə cavab olaraq bildirib.
“Mən birbaşa bağlı olan, bu mübahisənin birbaşa tərəfləri olan iki ölkə haqqında danışmaq istəyirəm. Biz bu ölkələrlə işləyirik. Xüsusi elçi Bono ötən həftə bu regiona səfər edib və bu ölkələrin rəhbərliyi ilə şəxsi əlaqələri olub. Və bu məsələnin tərəfi olmayan digər ölkələrin hər hansı şərhinə baxmayaraq, razılaşma əldə edilə bilər və biz bu razılaşmanın əldə edilməsi üçün ölkələrlə işləməyə davam edəcəyik”, deyə o qeyd edib.
