İki gündür Ermənistan tərəfi təxribata əl ataraq, Azərbaycan Ordusunun mövqelərini atəşə tutur. JAMAZ.İNFO xəbər verir ki, dünən Zəngilan istiqamətində erməni tərəfinin atəşkəsi pozması nəticəsində Azərbaycan Dövlət Sərhəd Xidmətinin bir hərbçisi yaralanmışdı.
Dünən gecə isə erməni tərəfi Tovuz rayonunun Koxanəbi kəndini atəşə tutaraq, təsərrüfatlara zərər vurub.
Az öncə məlum olub ki, Ermənistan ordusu daha bir təxribata cəhd edib. JAMAZ.İNFO xəbər verir ki, bu dəfə düşmən Nerkin Hand kəndi yaxınlığında mövqelərimizi atəşə tutub. Düşməni susudurmaq üçün Azərbaycan Ordusu lazımi tədbirlər görüb.
Ermənistan Müdafiə Nazirliyi az öncə açıqlama yayaraq bildirib ki, Nerkin Hand kəndi yaxınlığında baş verən atışma nəticəsində Ermənistan ordusunun iki hərbçisi ölüb. Bundan başqa, bir neçə yaralı da var.
Hadisənin səhərə yaxın, 05:30-da baş verdiyi deyilir.
