Hərbi jurnalist öldürüldü
“RİA Novosti”nin hərbi jurnalisti Rostislav Juravlev Ukraynanın açdığı atəş nəticəsində həlak olub.
Jamaz.info xəbər verir ki, bu barədə xəbər agentliyinin özü məlumat yayıb.
Hələlik Pyatixatki kəndi yaxınlığında bir qrup jurnalistin atəşə tutulduğu məlum olub. “RİA Novosti”nin fotomüxbiri Konstantin Mixalçevski yaralanıb. Həmçinin, “İzvestiya”nın jurnalistlərindən birinin yaralandığı barədə ilkin məlumat da var.
Rusiya Jurnalistlər Birliyinin rəhbəri Vladimir Solovyov mərhumun ailəsinə başsağlığı verib. O, həmçinin təşkilatın Juravlevin qohumlarına kömək etməyə hazır olduğunu açıqlayıb.
Bu arada Rusiya Müdafiə Nazirliyi çoxlu sayda Polşa və Alman muzdlularına qarşı dəqiq zərbə endirdiyini açıqlayıb. İyulun 6-da Lvovda Ukrayna Silahlı Qüvvələrinin Quru Qoşunları Akademiyasının ərazisinə hücum edilib. Müdafiə Nazirliyinin məlumatına görə, xüsusi hərbi əməliyyat başlayandan bəri 5 minə yaxın əcnəbi muzdlu öldürülüb.
