SOCAR-a 7 yeni vitse-prezident təyin edildi

Yaşar Aydın oğlu Lətifov, Süleyman Mehrəli oğlu Qasımov, Daşqın Ələm oğlu İskəndərov, Bədəl Şamil oğlu Bədəlov və Xalik Rəfi oğlu Məmmədov Azərbaycan Respublikası Dövlət Neft Şirkətinin (SOCAR) vitse-prezidenti vəzifəsindən azad edilib. Azərbaycan Respublikası Dövlət Neft Şirkətinin yeni vitse-prezidentlər təyin edilib.

Jamaz.info xəbər verir ki, bununla bağlı Prezident İlham Əliyev sərəncamlar imzalayıb.

Dövlət başçısının sərəncamları ilə Arzu Sahib qızı Cavadova, İsmayıl Fikrət oğlu Zərgərli, Ziba Tacəddin qızı Mustafayeva, Babək Elbəniz oğlu Hüseynov, Əfqan Elçin oğlu İsayev, Anar Fərruh oğlu Məmmədov və Fuad Bəkir oğlu Musayev Azərbaycan Respublikası Dövlət Neft Şirkətinin vitse-prezidenti təyin olunublar.