Çərəkə kənd 1 saylı məktəbinin direktorundan şikayət: “İlahə  Əliyeva aqressivdir, tibbi yoxlanışdan keçməlidir”

“Göyçay rayonu Çərəkə kənd 1 saylı tam orta məktəbin direktoru Əliyeva İlahə Yaşar qızı vəzifəsindən sui-istifadə edərək qanunsuzluqla məşğul olur”. JAMAZ. İNFO xəbər verir ki, belə bir şikayətlə həmin kəndin sakini Hümbətov Asif Atəş oğlu çıxış edib.

O iddia edib ki, İlahə Əliyeva Mərkəzi Aran Regioanl Təhsil İdarəsinin müdir müavinin Cavad Cavadov  tərəfindən himayə olunur. “Cavad Cavadov əvvəl Göyçay rayonu Potu kənd tam orta məktəbinin direktoru vəzifəsində işləyən zaman İlahə Əliyeva ilə çox yaxşı münasibəti olub. Elə ona görə də, İlahə Əliyevanı ad günündə hədiyyə olaraq bir il əvvəl Göyçay rayonu Çərəkə kənd 1 saylı tam orta məktəbə direktor vəzifəsinə əmrin verdirib.  Hətta direkor özü də vurğulayır ki, tutduiğu vəzifə ona ad günü hədiyyəsidir”.

Asif Hümbətov onu da iddia edir ki, İlahə Əliyeva məktəbdə kobud davranışı ilə həm müəllimlər, həmdə şagirdlər arasında hörmətini itirib.  “Dərs saatlarını rüşvətlə satır. Deyir ki, mənlik deyil, Mərkəzi Aran Regional Təhsil İdarəsi belə tələb edir. Etiraz edən müəllimləri isə Mərkəzi Aran Regional Təhsil İdarəsinin müdir müavini Cavad Cavadovun adı ilə hədələyir. Rüvşət verməyən müəllimlərin dərs saatlarını isə 3 dəfə aşağı salıb. Hansı ki, Elm və Təhsil Naziri Emin Əmrullayev özü dəfələrlə vurğulayıb ki, dərs saatlarının müəllimlərin topladığı bala heç bir aidiyyatı yoxdur. Bu adam isə dərs saatı alveri edir”.

Çərəkə sakini onu da deyir ki, sözügedən məktəb direktoru 2-ci qrup gözdən əlildir. “Onun gözləri zəif gördüyü üçün işinin öhdəsindən də gələ bilmir”.

Asif Hümbətovun bir iddiası da odur ki, direktor dərsə gecikən şagirdlərin sinifə daxil olmasına icazə vermir. Onun sözlərinə görə, hər il məktəbə komputer almaq üçün müəllimlərdən iki dəfə pul yığılır. “Dövlət tərfindən ayrılmış vəsaitin talan edilməsi üçün məktəbdə qış mövsümündə istlik sisteminin işə salınmasına görə, odun əvəzinə yeşik taxtaları gətizdirilib”.

Şikayətçi deyir ki, məktəbin təsərrüfat işləri üzrə müdiri qadın olsa da, işə onun əvəzinə həyat yoldaşı Fikrət Kərimov gəlir. “Bunu subut etmək üçün müşahidə kameralarına baxmaq kifayətdir. Məktəbin bufetində çaydan başqa şirniyat satılmağa icazə verilmir. Həmçinin tətil olmasına baxmayaraq müəllimləri və texniki işçiləri tez-tez (demək olar ki, hər gün) məktəbə çağırıb, orada gözlətdirir”.

Şikayətçi sonda onu da qeyd edir ki, Göyçay rayon, Çərəkə kənd 1 saylı orta məktəbində yoxlama aparılmalı, neqativ hallar müəyyən edilməli, məktəbin direktoru İlhaə Əliyeva isə tibbi müayinədən keçməlidir.

Qarşı tərəfin də mövqeyini dərc etməyə hazırıq.