Sosial

Bakıda evlər niyə bahalaşır?

Son günlər Azərbaycanın daşınmaz əmlak bazarında qiymət artımı müşahidə edilir. Bəzi reiltorlar bahalaşmanı baharın gəlişi, digərləri isə Türkiyədə baş vermiş zəlzələ ilə əlaqələndirir.

Bəs qiymət artımının gerçək səbəbi nədir?

Jamaz.info xəbər verir ki, bu barədə Modern.az-a danışan “MBA” konsaltinq və qiymətləndirmə şirkətinin baş direktoru Nüsrət İbrahimov bildrib ki, Novruz bayramının mənzil bazarındakı qiymət artımı ilə əlaqəsi yoxdur.

“Azərbaycanda, xüsusilə də Bakı şəhərində mənzil bazarında 2021-ci ilin sonundan başlayaraq, qiymət artımı müşahidə olunur. Buna bir sıra təsir göstərən faktorlar var. Ölkə xaricində baş verən proseslər, inflyasiya, inflyasiyanın ölkəyə idxal edilməsi, miqrasiya, ölkə daxilində qiymət artımları, tikinti materiallarının, xüsusilə də idxal edilən məhsulların baha olması əsas amillərdir. Ötən ilin 8 ayında tikinti materiallarının qiymətində 34 faiz artım olmuşdu. Bunun nəticəsində əvvəlcə ilkin bazarda, daha sonra təkrar bazarda qiymət artımı oldu. Bundan əlavə, tikintiyə tətbiq edilən müəyyən normativ məhdudiyyətlər də qiymətlərə öz təsirini göstərir”, – deyə o bildirib.

Ekspertin sözlərinə görə, hazırda mənzil bazarında təklif və tələb yüksəkdir:

“Əvvəlki illərlə müqayisədə əlçatanlıq da çoxalıb. Hesab edirəm ki, gələn ildən mənzil bazarında qiymət artımında səngimələr qaçılmazdır”.

Əlaqəli xəbərlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button