Arqişti Kiviryan: “Ermənistan Bakı qarşısında götürdüyü öhdəlikləri yerinə yetirmədiyi üçün dəhliz bağlanıb”

“Ötən gün Putinlə Əliyev arasında telefon danışığından sonra Laçına yolun açılmaması Ermənistan tərəfinin üzərinə götürdüyü, lakin hələ də yerinə yetirilməmiş bəzi öhdəliklərə görə Bakının Moskvaya qarşı çıxmasından xəbər verə bilər”. JAMAZ.İNFO xəbər verir ki, bu sözləri erməni politoloq Argişti Kiviryan deyib.

Onun sözlərinə görə, İlham Əliyev meydanda nə qədər sadə oynasa da, ciddi mübahisəsiz, Putinə siyasi şillə vurmaq üçün kifayət qədər ehtiyatlı fiqurdur. “İndi qalır erməni tərəfi. Nikolun simasında. Bu xalqa 9-10 noyabr gecəsi hansı öhdəlikləri götürdüklərini səmimi şəkildə desinlər. Çünki bu öhdəlik məsələsi Bakıya Moskvanın çıxışını neytrallaşdırmağa imkan verir”.