Media

Mikayıl İsmayılov sayt rəhbərini məhkəməyə verdi

SOCAR-in vitse-prezidenti Mikayil İsmayılov Sozcu.az saytının rəhbəri , “Qarabağ Qaziləri və Şəhid Ailələrinə Dəstək” İctimai Birliyinin sədri Elşən Əlisoya qarşı məhkəmə iddiası qaldırıb.

Bu haqda Elşən Əlisoy məlumat verərək, bunları deyib: “SOCAR-ın vitse-prezidenti Mikayıl İsmayılov mənə qarşı Azərbaycan Respublikasının Cinayət Məcəlləsinin 147.1 və 148 – çi maddəsi ilə xüsusi ittiham qaydası ilə məhkəmə iddiası qaldırıb. Səbəb kimi onun haqqında mənə məxsus olmayan “Azadsoz.com” adlı internet saytında yayımlanan yazının özümə məxsus Feysbuk səhifəmdə, ” Bu qədər sərvəti neynir bunlar ilahi… Mikayıl İsmayılov SOCAR -ın 12 vitse-prezidentindən biridir. Mən buna vəhşilik və acgözlük deyirəm”,- başlığı ilə yazıb paylaşmağımı göstərir.

Mikayıl İsmayılov haqda “Azadsoz.com”saytında yayımlanan yazıda onun bir xanım aparıcı və bir xanım modeli saxlaması haqda və onun əldə etdiyi bəzi əmlak haqda yazıya yer verilmişdir. Mən bir daha bəyan edirəm: kimin kimi saxlanmasının mənim üçün heç bir önəmi yoxdur, sadəcə maaşı ilə sərvəti uyğun gəlməyən oliqarxların dövlətdən topladığı sərvətlər mənim üçün önəmlidir. Çünki , o sərvətlər Azərbaycan xalqınındır və o boyda milyardlar toplamaq acgözlük və talançılıqdır.

Qeyd edirəm ki, SOCAR haqda rəhbəri olduğum “sozcu.az” saytında yayımlanan hər bir yazıdan sonra, “Sozcu.az” saytı haker hücumlarına hədəf olub və sayt dağıdılıbdır. Bu gün SOCAR-ın vitse-prezidenti tərəfindən mənə qarşı qaldırılan məhkəmə iddiası da, “Sozcu.az” saytının susdurulmasına hesablanıb”.

Məhkəmə 21 iyun saat 15:00-da Ağsu rayon məhkəməsində keçiriləcək.

Əlaqəli xəbərlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button