Səfər Mehdiyevdən “U” dönüşü: “Mən o sözləri məmurlar haqqında demişəm”
“Dövlət Gömrük Komitəsinin sədri Səfər Mehdiyev müsahibəsində bəzi deputatları ittiham edib. Düşünürəm ki, müsahibədə Səfər Mehdiyevin fikirləri kontekstdən çıxarılıb”. JAMAZ.İNFO xəbər verir ki, bunu Milli Məclisin iclasında deputat Elşən Musayev deyib.
O bildirib ki, Səfər Mehdiyevin fikirləri kontekstdən çıxarılmayıbsa, o zaman Dövlət Gömrük Komitəsi məsələyə aydınlıq gətirməlidir. Spiker Sahibə Qafarova isə qeyd edib ki, ötən gün Səfər Mehdiyev ona zəng edib: “Səfər Mehdiyev mənə zəng edib dedi ki, o, deputatlar haqqında elə fikirlər səsləndirməyib, o müsahibədə məmurlar haqqında danışıb”.
Qeyd edək ki, Səfər Mehdiyevin mətbuatda yayımlanan müsahibəsində onun deputatlar haqqında kəskin fikirləri yer alıb. Müsahibənin mətninə görə, Səfər Mehdiyev bəzi deputatları gizli biznes qurmaqda, fırıldaqçılıqda ittiham edib.
P.S. El arasında buna “söhbəti fırlatma”, bir az da lori dildə ifadə eləsək “burcutmaq” deyirlər.
