Qarabağda yerləşən rus sülhməramlıları dünəndən etibarən jərbi təlimlərə başlayıb. JAMAZ.İNFO xəbər verir ki, həmin təlimlər sülhməramlı kontingentin hazırlıq səviyyəsini artırmaq, onların blok postlarına hücum olacağı təqdirdə, necə davranacaqları və müqavimətin təşkil edilməsini əhatə edir.
Bildirək ki, bu gün səhər həmin təlimlərdən biri olan blok-postlara hücum olacağı təqdirdə kontingentin hazırlığı üçün şərti hücum təşkil edilib. Bundan başqa, təxribatların qarşısının alınması, müşahidə postlarının təhlükəsizliyinin təmin edilməsi istiqamətlərində də təlimlər keçirilir.
Təlimlərdə şəxsi heyətlə yanaşı, zirehli maşınlar və yüngül atıcı silahlardan da istifadə olunur.
