Dünən İranın əsas hərbi qüvvəsi olan SEPAH Azərbaycanın qədim şəhəri Urmiyə şəhərinin yaxınlığında daha bir hərbi baza yaradıb. JAMAZ.İNFO xəbər verir ki, Naxçıvanla sərhəddin 70 km-də yerləşən Urmiyədəki hərbi baza Hərbi Hava Qüvvələri missiyasını həyata keçirəcək.
Bildirək ki, bu bazanın bölgə üçün strateji əhəmiyyət daşıdığı bildirilir. Bu hərbi hissə Təbrizdə yerləşən Səhənd hərbi hissəsinin bazası əsasında yaradılıb. Hərbi bazaya Rəhmani Kahrodi rəhbərlik edəcək. Yeni bazaya bir neçə hücum helikopterləri verildiyi də vurğulanır.
JAMAZ.İNFO xəbər verir ki, erməni politoloq Stepan Danelyan başqa bir maraqlı açıqlama verib. O deyib ki, İran Ermənistanın ərazi bütövlüyünün pozulmasının qarşısını almaq üçün Ermənistan və Azərbaycan sərhədində çoxlu sayda qoşun toplayıb. “Zəngəzur dəhlizi məsələsi İran üçün həyati əhəmiyyət kəsb edir. Qoşun da bunun üçün sərhəddə yığılır”.
