Filip Riker Qafqaz məsələləri üzrə baş məsləhətçi vəzifəsindən istefa verib. JAMAZ.İNFO xəbər verir ki, bunu ABŞ Dövlət Departamentinin sözçüsü Ned Prays açıqlayıb.
O qeyd edib ki, 30 ildən artıqdır səfir Riker ABŞ-ın nazirliyinə və xalqına, o cümlədən dövlət katibinin Avropa və Avrasiya məsələləri üzrə köməkçisi və Londondakı səfirliyimizdə müvəqqəti işlər vəkili kimi fəaliyyət göstərib. “Onun dövründə danışıqlar prosesi sürətləndi və problemli bölgəyə sülh gətirmək üçün strukturlaşdırılmış prosesin qurulmasına kömək etdi. Səfir Rikerin vəzifədən getməsi Birləşmiş Ştatların Cənubi Qafqaz regionu üçün təhlükəsiz, sabit, demokratik, firavan və dinc gələcəyin təşviqinə dair öhdəliklərinə heç bir şəkildə xələl gətirmir. ABŞ Azərbaycan və Ermənistan arasında birbaşa dialoqu təşviq etmək və Qarabağ münaqişəsi ilə bağlı və ya ondan irəli gələn bütün həll edilməmiş məsələlərin həlli yollarını axtarmaq üçün Avropa İttifaqı kimi, həmfikir tərəfdaşları və ATƏT kimi beynəlxalq təşkilatlar vasitəsilə ikitərəfli əlaqələri davam etdirir”.
