ManşetSosial

Deputat xalqa “qara camaat” dedi, spiker etiraz etdi

“Hesabatda da qeyd olunub ki, ölkədə 5 milyondan çox məşğul əhali var. Bunun isə cəmi 1 milyondan çoxu neft və qeyri-neft sektorunda çalışır. Bəs qalanlar? Niyə onlar barədə məlumat yoxdur?”
Jamaz.info xəbər verir ki, bunu bunu Milli Məclisdə hökumətin hesabatının müzakirəsi zamanı deputat Tahir Kərimli deyib.
Onun sözlərinə görə, onlar hansı iqtisadi fəaliyyətlərlə məşğul olur ki, xəbərimiz yoxdur:
“Halbuki çoxunun adına torpaq sahələri var. Sevinirik ki, pensiyalarda qənaət etmişik. 2009-cu ilə nisbətən pensiya alanların sayı 160 min nəfər azalıb. Belə çıxır ki, gücümüz ancaq pensiya alanlara çatır. Sonra da deyirik ki, gəlirlərimiz artıb”.
“Xalqa hər şeyi Avropa qiymətləri ilə satırıq. Bəs niyə pensiyanı həmin standartlarda vermirik? Nə vaxta kimi insanlara “qara camaat” kimi yanaşacağıq?! Mən “qara camaat”ın nümayəndəsiyəm. Biz hər şeyin yaxşı olduğunu deyirik, amma elə deyil axı? Hara baxırsan, çətinliklər var. Hökumətdən xahiş edirəm ki, xalqımız haqqında ciddi düşünsün. Bu qədər gələn gəlirlərdən xalqımıza, “qara camaat”a da yönəldilsin”, deyə Tahir Kərimli əlavə edib.
Milli Məclisin sədri Sahibə Qafarova deputata cavabında bildirib ki, başda Prezident olmaqla heç kim əhaliyə qara camaat kimi baxmır. (qaynarinfo)

Əlaqəli xəbərlər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button