Bu gün səhər saatlarında Bakı-Quba avtomobil magistralında dəhşətli qəza baş verib. DİN-in mətbuat xidmətinin əməkdaşı Elşad Hacıyevin JAMAZ.İNFO-ya verdiyi xəbərdə deyilir ki, hadisə Bakı-Quba yolunun 98-ci km-də baş verib.
Onun bildirdiyinə görə, “Mersedes Vita” markalı avtomobillə yük maşını toqquşub. İkin məlumata görə ölənlər və yaralılar var. Elşad Hacıyev qeyd edib ki, hadisə nəticəsində “Mersedes-Vita”da olan sürücü daxil olmaqla 6 nəfər həlak olub, ağır tonnajlı yük maşınının sürücüsü isə xəsarət alıb.
