Bağlanmış bankların yaşayış evləri satışa çıxarılır
Əmanətlərin Sığortalanması Fondu fəaliyyətin dayandırmış banklara məxsus mənzilləri satışa çıxarıb.
Jamaz.info xəbər verir ki, 25 may 2023-cü il saat 11:00-da “Bakı Hərrac Mərkəzi”ndə keçiriləcək hərracda fəaliyyətini dayandırmış “RoyalBank” ASC-nin və “AmrahBank” ASC-nin balansında olan mənzillər satılacaq.
25 may 2023-cü il saat 11:00-da “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan “RoyalBank” ASC-nin balansındakı daşınmaz əmlak açıq hərraca çıxarılacaqdır.
Daşınmaz əmlak Bakı şəhəri, Yasamal rayonu, Murtuz Muxtarov küçəsi, ev 99 üvvanaında yerləşən (ü/s 24,2 kv.m) mənzildir.
Daşınmaz əmlakın ilkin satış qiyməti 22000 manatdır.
25 may 2023-cü il saat 11:00-da “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan “AmrahBank” ASC-nin balansındakı daşınmaz əmlak açıq hərraca çıxarılacaqdır.
Daşınmaz əmlak Bakı şəhəri, Yasamal rayonu, Həsənbəy Zərdabi prospekti, ev 53A ünvanında yerləşən (ü/s 118,40 kv.m) 35 saylı mənzildir.
Daşınmaz əmlakın ilkin satış qiyməti 128600 manatdır.(publika)
