Onun sözlərinə görə, PUA-lar döyüşə hazır vəziyyətdədir. Ukrayna Müdafiə Nazirliyinin məlumatına görə, artıq “Bayraktar”lar yüzlərlə Rusiya hərbi texnikasını sıradan çıxarıb. Qurum PUA-ların əməliyyatları barədə görüntüləri mütamadi şəkildə yayımlayır. Bundan əvvəl Türkiyə Prezidenti Rəcəb Tayyib Ərdoğan Rusiyanın Ukraynada başlatdığı hərbi əməliyyatları qınamış və Ukraynanın ərazi bütövlüyünü dəstəklədiklərini bildirmişdi. Bununla belə, Türkiyənin xarici işlər naziri Mövlud Çavuşoğlu Türkiyənin Rusiyaya qarşı sanksiyalara qoşulmayacağını bəyan edib.
