Ukrayna əks-hücum üçün hazırlığa başlayıb

Ukrayna ordusu Rusiyaya qarşı gözlənilən əks-hücum ərəfəsində müəyyən hərbi addımlar atmağa başlayıb.

Jamaz.info xəbər verir ki, bu barədə CNN telenakalına ABŞ-ın yüksək rütbəli hərbi nümayəndəsi və Qərb rəsmisi məlumat verib.

“Plan döyüş meydanını hazırlamaq üçün silah anbarları, komanda mərkəzləri, zirehli texnika və artilleriya sistemləri kimi hədəflərin vurulmasını nəzərdə tutur. Bu, böyük birgə əməliyyatlardan əvvəl hazırlanmış standart taktikadır”, – deyə məlumatda bildirilib.

CNN qeyd edib ki, ötən il ukraynalı müdafiəçilər Xarkov və Xerson vilayətlərində əks-hücum əməliyyatına başlayanda döyüş meydanını formalaşdırmaq üçün HİMARS zərbələrinə əlavə olaraq hava hücumları da həyata keçirilib.