Rusiya bu ölkə ilə quru sərhədlərini açır

Rusiya və Çin arasında yerüstü sərnişin xidməti 2023-cü ilin əvvəlində açıla bilər.

Bu barədə “TASS informasiya agentliyi Rusiya Federasiyasının Harbindəki Baş Konsulluğuna istinadla xəbər verir.

Agentliyin məlumatına görə, gələn ilin əvvəlindən sərhəd-keçid məntəqələrindən biri sınaq rejimində açılacaq.

“Gələn ilin əvvəlində xaricdən gələnlər üçün karantin ləğv ediləcək, rusiyalı sürücülərin Çində qalma qaydaları tədricən dəyişəcək, bəlkə də, ilk olaraq sınaq rejimində Rusiya-Çin sərhədlərindən biri vasitəsilə sərnişin axını açılacaq”,- Baş Konsulluqdan bildiriblər.