Rus ordusu Baxmutda təşəbbüsü itirib
Ukrayna müdafiəçilərinin hücumlarının məhdud xarakterinə baxmayaraq, Rusiya qoşunları Donetsk vilayətinin Baxmut bölgəsində təşəbbüsü itirirlər. JAMAZ.İNFO xəbər verir ki, bu barədə ISW təşkilatının hesabatında deyilir.
Analitiklər vurğulayıblar ki, hazırda Ukrayna qüvvələrinin uğurları, həm Ukrayna Müdafiə Nazirliyində, həm də Rusiya Müdafiə Nazirliyində təsdiqlənir. Xüsusilə, ISW Rusiya Federasiyasının Müdafiə Nazirliyinə istinad edərək, Ukrayna silahlı qüvvələrinin Boqdanovka (Baxmutdan 5 km şimal-qərb) və İvanovski (6 km qərbdə) bölgələrində irəliləyişləri haqqında yazır.
ISW hesabatına görə, məşhur rusiyalı hərbi bloqçu şikayət edib ki, Rusiya qoşunları indi Ukraynanın hərəkətlərinə cavab verməlidir. Yəni Ukraynanın bölgədəki əks-hücumlarının məhdud xarakterinə baxmayaraq, Rusiya qoşunları Baxmut bölgəsində təşəbbüsü itirirlər.
