Prezidentin mükafatlandırdığı general saxlanıldı

“Moskva Tayms” qəzetinin və Rusiya hərbçilərinin istinad etdiyi mənbələrə görə, Vaqner muzdlu qüvvələrinin qısa müddətli üsyanından sonra Rusiya hakimiyyəti Ukraynadakı hərbi əməliyyatları üzrə komandirinin müavini, general Sergey Surovikini saxlayıb.

Jamaz.info xəbər verir ki, Rusiya Müdafiə Nazirliyinin yayılan xəbərə heç bir münasibət bildirməyib.

Rusiya mətbuatı tərəfindən mərhəmətsizliyinə görə “General Armageddon” ləqəbi ilə tanınan Surovikin Rusiyanın Çeçenistan və Suriyadakı müharibələrinin veteranıdır və Rusiya prezidenti Vladimir Putin tərəfindən mükafatlandırılıb.