Kılıçdaroğlu bütün müşavirlərini işdən çıxarıb

Cümhuriyyət Xalq Partiyasının (CHP) lideri Kamal Kılıçdaroğlu bütün müşavirlərini və baş məsləhətçilərini işdən çıxarıb.
Jamaz.info xəbər verir ki, bu barədə CHP-nin Baş Qərargahı məlumat yayıb. Yayılan açıqlamada bu ifadələr yer alıb: “Cümhuriyyət Xalq Partiyasının sədri Kamal Kılıçdaroğlu tərəfindən 4 iyun 2023-cü il tarixindən əvvəl müşavir və baş məsləhətçi kimi təyin edilən bütün şəxslərin vəzifələrinə 14 iyun 2023-cü il tarixindən xitam verilib. Onların hər birinə Cümhuriyyət Xalq Partiyası adından fəaliyyətlərinə görə təşəkkür edirik”.
İşdən çıxarılan arasında Ünal Çeviköz, Tuncay Özkan, Ərdoğan Toprak, Rəcəb Cengiz, Rasim Bölücek və Deniz Demirin kimi məşhur şəxslər də var.