Aİ-nin Ermənistandakı müşahidəçiləri regionda qarşıdurma yarada bilər – Rusiya XİN
Avropa İttifaqı müşahidəçilərinin peyda olması Cənubi Qafqaz regionuna geosiyasi qarşıdurma gətirə bilər.
Jamaz.info xəbər verir ki, bunu Rusiya XİN Ermənistanın sərhədyanı rayonlarında Avropa İttifaqının mülki monitorinq missiyasının yaradılması ilə bağlı şərhində bildirib.
“ABŞ və NATO-nun əlavəsinə çevrilmiş, MDB məkanında qarşıdurma siyasəti yürüdən Avropa İttifaqı nümayəndələrinin Ermənistanın sərhədyanı rayonlarında peyda olması yalnız regiona geosiyasi qarşıdurma gətirə və mövcud münaqişələri daha da gərginləşdirə bilər. Aİ missiyasının elan edilmiş mülki mahiyyəti aldadıcı olmamalıdır – o, Aİ-nin Ümumi Təhlükəsizlik və Müdafiə Siyasəti çərçivəsində formalaşır və bundan irəli gələn bütün nəticələrdir”, – nazirliyin saytında yerləşdirilən məlumatda deyilir.
Rusiya Xarici İşlər Nazirliyi qeyd edib ki, Avropa İttifaqının Ermənistanda nəyin bahasına olursa-olsun mövqe tutmaq cəhdləri, Rusiyanın vasitəçilik səylərinə təzyiq göstərmək ermənilərin və azərbaycanlıların Ermənistanın sülh yolu ilə bölgənin inkişafına qayıtmaq istəklərinə fundamental maraqlarına zərbə vura bilər.
Rusiya XİN əmin olduğunu bildirib ki, yaxın gələcək üçün regionda sabitlik və təhlükəsizliyin əsas amili Rusiya, Azərbaycan və Ermənistan liderlərinin 9 noyabr 2020-ci il tarixli bəyanatı əsasında yerləşdirilən Rusiya sülhməramlı kontingenti və Ermənistan sərhədlərində xidmət edən rus sərhədçiləri olaraq qalır.
“Onlar yerdə vəziyyətin inkişafını nəzərə alaraq Aİ müşahidəçilərinin davranışına reaksiya verəcəklər”, – Rusiya XİN əlavə edib.
Rusiya Xarici İşlər Nazirliyi qeyd edir ki, İrəvanda KTMT missiyasının istiqaməti üzrə işi məntiqi nəticəyə çatdırmadan, Aİ-nin xeyrinə seçim etməyə üstünlük veriblər. Bəyanatda deyilir ki, əgər erməni müttəfiqləri KTMT-nin potensialından istifadə etməkdə maraqlı olsalar, onun missiyası operativ qaydada Ermənistanda yerləşdirilə bilər.(publika)
