Admiral Çarlz Riçard: “Ukrayna müharibəsi hələ bağlanğıcdır, daha böyük münaqişə qabaqdadır”
“Dünya yeni böyük münaqişənin yaxınlaşması ilə təhlükə altındadır. Yer kürəsi tezliklə görmədiyi sınaqdan keçməli olacaq və bu proses uzun müddət təşkil edəcək”. JAMAZ.İNFO xəbər verir ki, bunu ABŞ Silahlı Qüvvələrinin Strateji Komandanlığının rəhbəri, admiral Çarlz Riçard bəyan edib.
O bildirib ki, hazırda Ukrayna müharibəsi bu prosesin başlanğıcıdır. “Böyük böhran hələ yeni yaxınlaşır”.
Eyni zamanda, ABŞ-ın Çini cilovlamaq qabiliyyətini şərh edən Riçard “gəminin yavaş-yavaş batdığını” qeyd edib. “Çin öz qüvvələrini bizdən daha sürətli yerləşdirir. Bu fərq artdıqca komandirlərimizin nə qədər yaxşı olmasının heç bir əhəmiyyəti yoxdur”.
O qeyd edib ki, ABŞ sualtı donanmada üstünlüyünü qoruyub saxlayır. “Bu, yəqin ki, ABŞ-ın hələ də sahib olduğu yeganə real asimmetrik üstünlükdür”.
Lakin o, hesab edir ki, Amerika texniki xidmət problemlərini tez bir zamanda aradan qaldırmasa və yeni sualtı qayıqların tikintisinə başlamasa, hətta bu üstünlük də yox ola bilər. Admiralın fikrincə, hətta ildə üç sürətli Virciniya sinifli sualtı qayıq tikmək yaxşı bir başlanğıc olardı.”Biz tez hərəkət edə bilərdik, lakin biz bu imkanı itirdik”.
