![](https://jamaz.info/wp-content/uploads/2023/08/35b2720880312b4dcabcaa6dd0622581absrusbay-jpg-780x450.jpg)
Dünya
ABŞ Rusiyanın ərzaq ixracına kömək edəcəyinə söz verdi
ABŞ Dövlət katibi Toni Blinken bildirib ki, əgər Moskva Qara dəniz limanları vasitəsilə Ukrayna taxılının təhlükəsiz tədarükü üçün taxıl sazişinə qayıdarsa, ABŞ Rusiyanın ərzaq ixracını asanlaşdırmağa hazırdır.
Jamaz.info Qaynarinfo-ya istinadən xəbər verir ki, bu barədə BBC yazır.
BMT Təhlükəsizlik Şurasının ərzaq təhlükəsizliyi üzrə iclasından sonra Blinken bildirib ki, Vaşinqton bütün gücü ilə dünya ərzaq bazarının dolmasına töhfə verməyə çalışır.
Rusiya iyul ayında taxıl sazişindən çıxdıqdan sonra ərzaq qiymətləri kəskin artmağa başlayıb. BMT rəsmiləri xəbərdarlıq edir ki, bu, dünyanın ən yoxsul ölkələrini aclıqla üzləşmək təhlükəsi yaradır.
“Sazişə qayıdış halında biz, əlbəttə ki, hər kəsin öz ərzaq və qida məhsullarını, o cümlədən Rusiyanı sərbəst və təhlükəsiz ixrac edə bilməsi üçün lazım olan hər şeyi etməyə davam edəcəyik. Biz istəyirik ki, ərzaq dünya bazarında olsun. Biz istəyirik ki, hamı aşağı qiymətlərdən faydalansın”, – “Reuters” Blinkenin sözlərindən sitat gətirib.
“Reuters”in məlumatına görə, Blinken jurnalistlərə həmçinin bildirib ki, hazırda Rusiyadan ərzaq ixracının həcmi Ukrayna ilə müharibə başlamazdan əvvəlki səviyyələri üstələyir.
ABŞ dövlət katibi əlavə edib ki, Vaşinqton Rusiya ərzaq məhsulları ilə bağlı problemləri Moskvanın tərəfdaşlarından qaynaqlanırsa, həll etməyə çalışıb.
Blinken qeyd edib ki, ABŞ hökuməti həmçinin banklara məktublar göndərərək, Rusiya ilə əməliyyatların təhlükəsizlik olduğunu və “sanksiyalarımızı pozmayacağını” bildirib.
“Reuters” aydınlaşdırır ki, Rusiya taxılına görə bəzi ödənişlər ABŞ-ın JPMorgan bankı vasitəsilə həyata keçirilib və bunun üçün Vaşinqtondan yaşıl işıq yandırılıb.
BMT Təhlükəsizlik Şurasının iclası zamanı Rusiya nümayəndəsi Dmitri Polyanski bildirib ki, Qərb ölkələri Rusiyanın ərzaq məhsulları və gübrələrinin ixracı ilə bağlı problemləri həll etsələr, Moskva “taxıl sazişinə”nə qayıtmağa hazır olacaq.
“Qərb ölkələri Rusiya taxılının və gübrələrinin ehtiyacı olan ölkələrə maneəsiz çatdırılmasına diqqət yetirməlidir. Lakin bu, bizim qərbli həmkarlarımızın planlarına daxil deyil”, – Polyanski bildirib.
Bu arada, “Reuters”in məlumatına görə, çərşənbə günü Avropa İttifaqı inkişaf etməkdə olan ölkələrə xəbərdarlıq edib ki, Rusiya onlara “iqtisadi zəiflikləri və dəyişkən qlobal ərzaq təhlükəsizliyini gücləndirməklə yeni asılılıq yaratmaq üçün” onlara ucuz ərzaq təklif edir.