Bağçada döyülən körpənin atası: “Onu polis şöbəsində gördüm”

İsmayıllı Peşə Tədris Mərkəzinin direktor müavini Rəşid Mirzəliyev 1 saylı körpələr evi-uşaq bağçasın 3 yaşlı övladını döyən qohumu olan tərbiyəçi ilə görüşündən danışıb.

O, Qaynarinfo-ya açıqlamasında bildirib ki, hazırda 1 saylı körpələr evi-uşaq bağçasının tərbiyəçisi olmuş 1969-cu il təvəllüdlü Zülfiyyə Baxışovanın harada olmasından xəbəri yoxdur:

“Onu polis şöbəsində gördüm. Bundan sonra hələ ki, onunla hər hansı bir əlaqəmiz olmayıb. Hazırda baş verən hadisə ilə bağlı araşdırma gedir. Prosessin nə vaxta kimi davam edəcəyini istintaq sirri olduğundan dəqiq bilmirəm”.