![](https://jamaz.info/wp-content/uploads/2023/07/rusvet-korrupsiya-memur-1.jpg)
Ağcabədi uşaq məktəbində 131 min mənimsəmə – Cinayət işi açıldı
Üzeyir Hacıbəyli adına Ağcabədi şəhər uşaq incəsənət məktəbində yol verilən qanunsuzluqlarla bağlı rayon prokurorluğunda araşdırma aparılıb. Araşdırma zamanı həmin məktəbin direktoru vəzifəsində işləmiş Sevda Malışova tərəfindən 2018-2021-ci illər ərzində tədris planlarında nəzərdə tutulandan artıq həcmdə dərs saatlarının tarifləşdirilməsi, əsassız olaraq əmək haqqı ödənilməsi və digər yollarla dövlət büdcəsinə ümumilikdə 131 min manat maddi ziyan vurulmasına əsaslı şübhələr müəyyən edilib.
Jamaz.info xəbər verir ki, bu barədə Ağcabədi rayon prokurorluğu məlumat yayıb.
Bildirilib ki, Faktla bağlı Ağcabədi rayon prokurorluğunda Cinayət Məcəlləsinin 179.3.2 (külli miqdarda mənimsəmə və ya israf etmə) maddəsi ilə cinayət işi başlanıb.
Hazırda iş üzrə istintaq davam edir.