Siyasət
Pənah Hüseyn istefa verəcək: Partiyanı buraxmaq istəyir
Azərbaycan Xalq Partiyasının sədri Pənah Hüseyn partiyanın fəaliyyətini dayandırmaq istəyir. Bu barədə Qaynarinfo-ya açıqlamasında onun özü məlumat verib.
Pənah Hüseynin sözlərinə görə, 2025-ci ilin yanvar ayında partiyanın növbəti qurultayı çağrılacaq: “Bu bizim üçün yeganə çıxış yoludur. Bu seçkidə müxalifətin, siyasi partiyalarının sədrlərinin də böyük məsuliyyəti var. Hesab edirəm ki, yaranmış vəziyyət, siyasi mənzərə heç də siyasi partiyaların və onların rəhbərlərinin də dəyərləndirilməsindən kənarda qala bilməz. Odur ki, biz hazırda MSK və Konistisuya Məhkəməsinin seçkilərlə bağlı qərarını gözləyirik. Qərar verilən kimi partiyanın İdarə Heyəti toplanacaq və bu vəziyyəti müzakirə edəcək”.
Pənah Hüseyn bu qərarlarının məqsədini də açıqlayıb: “Mən siyasətdən getmirəm, əksinə sədrlikdən getmək siyasətlə fəaliyyətimi daha da genişləndirmək, daha da fəal olmaq üçün atılacaq addım hesab edirəm. İndi İdarə Heyətinin üzvləri nə deyəcək bilmirəm, onu zamanla görəcəyik”.
