Mediaya vergi güzəştlərinin 5 illik olması təklif edildi

Milli Məclisdə media subyektlərinə tətbiq edilən vergi güzəştlərinin üç ildən beş il müddətinə artırılması təklif edilib.

Jamaz.info xəbər verir ki, bu təkliflə deputat Mahir Abbaszadə parlamentin İqtisadi siyasət, sənaye və sahibkarlıq komitəsinin iclasında çıxış edib.

“Hesab edirəm ki, vergi güzəştlərinin üç ildən beş il müddətinə artırılması bu sahədə inkişafa təkan verəcək.  Qeyd olundu ki, 3 il müddətində edilən vergi güzəştləri dövlət büdcəsinə 10 milyon manata başa gələcək. Bu da ildə təxminən 3 milyon manat deməkdir. Müddətin beş ilə qaldırılması problem hesab edilməz. Mənə elə gəlir ki, bu, dövlət büdcəsi üçün o qədər də böyük problem olmayacaq”, – deyə deputat vurğulayıb.