Ukraynanın bir sıra bölgələrində həyəcan siqnalı verildi

Ukraynanın bir sıra vilayətlərində hava hücumu ilə bağlı həyəcan siqnalı verilib.

Jamaz.info xəbər verir ki, bu barədə Ukrayna mətbuatı məlumat yayıb.

Bildirilib ki, paytaxt şəhərin yerləşdiyi Kiyev vilayətində, Çerkasskda və digər bölgələrdə həyəcan siqnalı eşidilib.

Rusiyanın aviazərbələri və raket hücumları ilə bağlı ehtimallar var.

Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma “Donetsk XR” və “Luqansk XR” separatçı qurumlarını birtərəfli qaydada ilhaq etdiyini açıqlayıb.