Tramp: Ukrayna müharibəsini bircə günə həll edərdim

ABŞ-ın keçmiş prezidenti Donald Tramp bildirib ki, əgər o, hazırda Amerika administrasiyasının rəhbəri postunda olsaydı, bir gündə Ukraynadakı münaqişənin sülh yolu ilə həllinə nail ola bilərdi.

Jamaz.info xəbər verir ki, o, bu barədə özünün Truth Social sosial şəbəkəsində yazıb.

“Mən prezidenti olsaydım, bu dəhşətli müharibəni 24 saat ərzində başa çatdırmaq üçün danışıqlar apara bilərdim”.

Tramp deyib ki, Kiyevə milyonlarla dollar yardım yox, razılaşma əldə etmək lazımdır. Milyarder hesab edir ki, Bayden administrasiyasının bu cür hərəkətləri dünya müharibəsinə səbəb ola bilər.(publika)