Qoca amerikalı 50 il çalışdı, sığınacaq qurdu: “İki həftə sonra qiyamət qopacaq”

Bruce Beach adlı Amerikalı 1970-ci ildə Kanadanın Toronto şəhrində kiçik bir kəndə daşınaraq, heç kimin ağlına gəlməyən bir işə əl atıb. O, beynindəki layihəni həyata keçirmək üçün düz 10 il çalışıb. JAMAZ.İNFO xəbər verir ki, o, ilk iş kimi Ontario qəsəbəsində böyük bir ərazini satın alıb.

Qeyd edək ki, Beach 1980-85-ci illərdə 12500 dollar ödəyərək, Amerikan filmlərində gördüyümüz məktəb avtobuslarından 42 ədəd alıb. Daha sonra isə ərazini qazmağa başlayıb. 4 metr dərinlikdə olan bu qazmalara isə aldığı 42 ədəd avtobusu yerləşdirib. Beləliklə, o, nüvə savaşına hazırlıq görmək və bu müharibənin fəsadlarından qorunmaq üçün düz 50 il çalışıb. Üstəlik, həmin bunkerin adını da “Nuhun Gəmisi-2” qoyub.

Qoca Beachı əksəriyyət dəli hesab edirdi. Onun düzəltdiyi bunker isə 500 nəfərin saxlanılması üçün nəzrədə tutulmuşdu. Həmin sığınacağa baxanlar deyirlər ki, orada insanların yaşaması üçün hər cür şərait var.

Qoca Beach mediaya açıqlamasında deyib ki, bütün bunlar nüvə savaşından xilas olmaq üçün nəzərdə tutulub. “İki həftə sonra qiyamət qopacaq. O zaman insanları bura yerləşdirəcəm”.