![](https://jamaz.info/wp-content/uploads/2023/05/1685187397_6471e9e0464d06471e9e0464d116851870406471e9e0464cc6471e9e0464ce-1-780x470.jpg)
Həftəsonu dəmiryolu reyslərinin sayı artırıldı
Yay mövsümünün başlaması ilə əlaqədar Bakı-Qəbələ-Bakı istiqamətində artan sərnişin tələbatını nəzərə alaraq 3 iyun tarixindən etibarən qatar reyslərinin sayı artırılıb.
Jamaz.info xəbər verir ki, bu barədə Modern.az-a “Azərbaycan Dəmir Yolları” (ADY) Qapalı Səhmdar Cəmiyyətindən bildirilib.
Belə ki, qeyd edilən tarixdən etibarən həftənin şənbə və bazar günləri olmaqla saat 08:00-da Bakı Dəmiryol Vağzalından Qəbələyə yola düşən qatar mənzil başına saat 11:20-də, həmin günlər Qəbələdən saat 19:00-da yola düşən qatar isə Bakı Dəmiryol Vağzalına saat 22:20-də çatacaq.
Marşrut üzrə bir istiqamətə gediş haqqı standart sinif üçün 14 AZN təşkil edir. Biletləri Bakı Dəmiryol Vağzalının kassalarından və ya ADY-nin rəsmi saytından
(//ticket.ady.az/ticket-search) onlayn əldə etmək mümkündür.