Cəmiyyət
Ağdamda qolları məftillə bağlı kişi və qadın skeleti tapılıb
Ağdamın işğaldan azad olunmuş Uzundərə adlı ərazisində qolları məftillə bağlı kişi və qadın skeleti tapılıb. Skeleti tapılan şəxslərin paltarlı basdırıldığı müəyyən olunub.
Məlumatı oktyabrın 27-də Baş prokurorluq təsdiq edib.
Bildirilib ki, hazırda faktla bağlı Ağdam rayon prokurorluğunda araşdırma aparılır.
Skeleti tapılan şəxslərin kimliyi araşdırma başa çatdıqdan sonra məlum olacaq.
Ağdam şəhəri və 7 km yaxınlığındakı Uzundərə adlanan ərazi 1993-cü ilin iyul ayının 23-dən erməni işğalında olub. Bu ərazilər 27 il Ermənistan silahlı qüvvələrinin nəzarəti altında qalıb.