Bu gün Vəkillər Kollegiyası vəkil Nemət Kərimliyə qarşı şikayətə baxacaq

  • GÜNDƏM
  • 21.10.2019 15:12
  • 16 dəfə oxundu

Bu gün saat 17:00-da Vəkillər Kollegiyasının Rəyasət Heyəti Penitensiar xidmətin vəkil Nemət Kərimli ilə bağlı bağlı müraciətinə baxacaq. 

Bu haqda “Basta”ya Nemət Kərimli məlumat verib. Vəkil bununla bağlı Rəyasət Heyətinə dəvət olunduğunu və iclasda iştirak edəcəyini bildirib.

Qeyd edək ki, sentyabrın 24-də Penitensiar Xidmət Nemət Kərimlini “bilərəkdən Penitensiar Xidmətin fəaliyyəti haqqında ictimaiyyətdə mənfi rəy formalaşdırmağa cəhd” və “Vəkillərin davranış qaydaları haqqında Əsasnamə”nin tələblərini pozmaqda” ittiham edərək, onun “barəsində qanuna müvafiq tədbirlərin görülməsi üçün” Vəkillər Kollegiyasına müraciət edib.

İnsidentin səbəbi Penitensiar Xidmətin əməkdaşları tərəfindən Nemət Kərimlinin üzərində qanunsuz axtarış aparılmasıdır.

Sentyabrın 20-də vəkil Nemət Kərimli 16 saylı cəzaçəkmə müəssisəsində siyasi məhbus Əfqan Muxtarlı ilə görüşə gedərkən zoraklıqla üzləşib.

“Təxminən 45 dəqiqə gözlədikdən sonra içəri buraxdılar və üzərimdə axtarış aparmaq istədilər. Əvvəl razılaşmasam da, gərginlik yaratmamaq üçün icazə verdim, qanunsuz olaraq ayaqqabımın içini, corablara qədər axtarış etdilər. Görüşdən çıxarkən yenidən üzərimdə axtarış aparmaq istədilər. Qərar tələb etdim, dedilər, axtaracağıq. Kimisə çağırdılar, özünü rəis müavini kimi təqdim edən Emin adlı şəxs gəldi. Yenidən qərar tələb etdim, hamını axtarırıq, icazəmiz var dedi, söhbətdən sonra baxış keçirtməyə icazə verdim. Yoxlayıcılar qeydləri oxumaq istədilər, icazə vermədim. Yenidən Emin müdaxilə etdi və dedi ki, rəis səni çağırır, qəbuluna gedək”- deyə, vəkil bildirib.

“Mən imtina etdim, o, yəni Emin zorla köynəyimin yaxasından dartdı, divara tərəf möhkəm itələdi, “sən kimsən?, bura müəssisədi, sənə göstərərəm, kimə istəsən şikayət et, qəsdən skandal yaradırsan” qışqıra-qışqıra zorla rəisin yanına aparmaq istədi. İmtina etdim, əlimdəki çantanı zorla əlimdən aldı, içərisindəkiləri stolun üstünə tökdü, 2 vərəq başqa məhkəmə prosesindən olan və digər şəxsi qeydlərimi götürüb oxudu. Sonra rəisə mərüzə etdi və sənədləri onun yanına apardı. Məni təxminən 45-50 dəqiqə otaqların birində girov saxladılar. Sonradan sənədlərimi verib, yola saldılar. Demokratik dövlərdə belə hal baş verə bilməz, olsa da neçə nəfər cəzalanar. Bazar ertəsi bu barədə rəsmi şikayət edəcəm” – deyə Nemət Kərimli qeyd edib.

Posts Carousel

Xəbər lenti

Video xəbərlər