Prezidentin köməkçisi: “Öz ərazimizdə boz zonanın olmasını qəbul etməyəcəyik”
“Azərbaycanda akkreditə olunan diplomatik korpusun nümayəndələrinə ilk olaraq təşəkkür edirik. Onlar çox qısa müddətdə Azərbaycan tərəfinin təklifini qəbul edib”. JAMAZ.İNFO xəbər verir ki, bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev jurnalistlərə açıqlamasında deyib.
O qeyd edib ki, Azərbaycan tərəfi artıq bir neçə dəfə bəyan edib ki, Ağdam-Xankəndi yolu fəaliyyətdədir. “Bu yol vasitəsi ilə çox qısa müddətdə Xankəndiyə və ətraf ərazilərə çatdırılma edilə bilər. Bu yoldan imtina edilməsini biz yalnız rasizm kimi qiymətləndirə bilərik. Azərbaycan yolları açaraq reinteqrasiya prosesini başlatmaq niyyətindədir.
Yol mövzusunu Ermənistan tərəfi siyasi manipulasiya kimi istifadə edirlər. Ermənistan tərəfi Azərbaycan ilə razılaşdırmadan populizm məqdəsi ilə Azərbaycan sərhədinə gətirib. Bu kimi ucuz şou xarakterli addımların heç bir yolu yoxdur. Azərbaycan öz ərazisində hər hansı bir boz zonanın olmasını qəbul etməyəcək”.
