Rusiya Baxmutda kimyəvi silahdan istifadə edir – Jorin
“Rusiya qüvvələri Baxmut yaxınlığında ərazi itirir və isteriya içində kimyəvi silahdan istifadə edirlər”.
Jamaz.info “Unian”a istinadən xəbər verir ki, bu barədə Azov alayının keçmiş komandiri, Ukrayna Silahlı Qüvvələrinin mayoru Maksim Jorin məlumat verib.
Onun sözlərinə görə, yüksəkliklərin bir hissəsi Ukrayna Silahlı Qüvvələrinin nəzarətindədir, digərlərində isə hələ də proses gedir, lakin düşmən mövqelərini saxlaya bilmir.
Jorin qeyd edib ki, qarşı tərəf indi müəyyən isteriya vəziyyətindədir, ona görə də onlar kimyəvi silahdan istifadə edirlər və Ukrayna Silahlı Qüvvələrinin mövqelərində aviasiya ilə çox fəal işləyirlər.
Eyni zamanda, Baş Qərargahın spikeri Andrey Kovalev Kleşçeevka ərazisində Ukrayna ordusunun qismən uğurlu olduğunu və işğal olunmuş xətlərdə gücləndiyini vurğulayıb.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma “Donetsk XR” və “Luqansk XR” separatçı qurumlarını birtərəfli qaydada ilhaq etdiyini açıqlayıb.
