Ermənistan rəsmiləri zənglərə cavab vermir

Ermənistan rəsmiləri Rusiya sülhməramlılarının müvəqqəti yerləşdirildiyi Azərbaycan ərazilərindəki separatçı rejimin zənglərinə cavab vermir.

Jamaz.info xəbər verir ki, bu barədə “Hetq” nəşrinin redaktoru məlumat verib.

Onun sözlərinə görə, separatçı rejim ümidsizliyə qapılıb.

“Əvvəllər bütün idarələrin bir-biri ilə sıx əlaqələri olub, istənilən məsələ tez həllini tapıb. İndi sadəcə zənglərə cavab vermirlər”, – məlumatda deyilir.

Bundan əvvəl “Hraparak” qəzeti yazır ki, Ermənistan hakimiyyəti separatçıların “rəhbəri” Arayik Harutyunyanı seçim qarşısında qoyub. O ya Bakı ilə danışıqlara başlamalı, ya da ermənilərin Qarabağdan çıxarılmasını qəbul etməlidir.